مميزات وعيوب سماع لينوفو lenovo ht28

هكتب مراجعتي لسمّاعة lenovo ht28 عشان دورت كتير قبل ماشتري وملقتش غير مراجعة قليلة،
طلبت السمّاعة ف العرض الي كان عليها بـ٣٠٠ جنيه، وهي معايا بقالها يومين. الأول أنا كنت طالب ، وصلتلي البيضا،
المميزات:
الصوت
السمّاعة صوتها جميل؛ عالي ونقي وأنا جربت سماعات كتير بسلك ودي كانت أول تجاربي مع البلوتوث ومش ندمانة الحقيقة. النقاء فيها متوسط.
الميكروفون
شغال، محتاج تكون حواليك دوشة جامدة عشان فعلا تبقى مش مسموع. عملت بيها مكالمتين، وسجلت بيها ريكوردات جوا وبرا البيت وكانت مبتخذلنيش الحقيقة.
البطارية
البطارية قعدت معايا خمس ساعات تشغيل متواصل بالشحن الكامل، ودي حاجة بالنسبة لسعرها خطيرة جدا يعني.
التوصيل باللابتوب والموبايل
بتتوصل بسهولة ومبتفصلش، وبتغطي مدى حلو يعني حوالي عشرة متر.

عيوب سماعة لينوفو lenovo ht28
العيوب:
التاتش
اللمس لا يستجيب سريعا، يعني ممكن تضغط اكثر من مرة حتي يستجيب للامر وتوقف الأغنية بس power on/off شغال حلو عادي.
التوقف اثناء المكالمة
عند أضغط عليها وسط مكالمة بتفصل ولازم أرجع أطفيها وأشغلها تاني عشان تشتغل -أو دا آخر الي توصلتله- بس معتقدش ان النقطة دي مهمة، يعني ليه هتروح تضغط عليها وسط مكالمة :
العلبة
غطا العلبة بيحسسك انه هيقع ف أي لحظة من كتر ما هو بيتلخلخ كاجوالي كدا. بس مش هيقع -أعتقد-
الصوت تاني
مرة بعد محاولاتي المستميتة اني أطلع فيها عيوب وأرجعها لقيت إن الصوت بتاعها بيوطى بعد ضغطي المستمر عليها، مرة واحدة كدا، بعدين رجع ظبط لوحده.. تقريبا.. تقريبا.. كنت علقتها :
حجمها
كبيرة. أوي.